Hezkuntza

Lodosa eta Sartagudako Ibaialde ikastolak mende laurdena betetzen aurten eta data hori aitzakia hartuta, jaialdia antolatu dute, etorkizuna bermatu eta hezkuntza kalitatea ziurtatzeko xedez. Otsailaren 5a da hautatutako eguna.

 Lodosa eta Sartagudako Ibaialde ikastolak kinka larrian ospatuko ditu 25 urteak. Egun bizi duen egoera ekonomiko kaskarra dela-eta, mende laurdena ospatzea helburu huts izan beharko lukeen jaialdiak, zentroaren etorkizuna bermatzea eta haren hezkuntza kalitatea ziurtatzeko xedea ere izango du.

Azaldu dutenez, otsailaren 5ean egingo da, urtean zehar euskara eta ikastolen alde antolatzen diren beste ekimen batzuei oztoporik ez egiteko. Egun horretarako, kontzertuak, bertsoak, herri kirol erakustaldiak eta abarrekoak antolatu dituzte.

Iragan abenduaren 26an proiektu honetan lanean hasi zirenetik ate ugari jo dituztela azaldu dute, eta jasotako erantzun onak txalotu. Bereziki azpimarratu nahi izan dute ere Ikastolen Elkartearen aldetik jasotako babesa.